Cantár de los Infantes de Lara

...

"Beso la cabeça con lagrimas e pusola en su lugar

e la de Gonçalo Gonçalez su fijo el menor fue tomar,

m

-Fijo Gonçalo Gonçalez, a vos amava mas vuestra madre.

Las vuestras buenas mañas ¿qui las podria contare?:

buen amigo para amigos e para señor leale;

conosçedor de derecho. amavades lo judgar;

en armas esforçado, a los vuestros franquear,

alançador de tablado nunca omne lo vido tale;

con dueñas e donzellas sabiades muy bien fablar

e davades las vuestras donas muy de voluntad

donde erades mas amado que otro cavallero de prestar

meester avia agudo si la primera non levase.

Los que me temian por vos, enemigos seran,

aunque yo torne a Lara, nunca valdre un pan:

non he pariente ni amigo que me pueda vengar:

¡mas me valdria la muerte que esta vida tal!



E en esto comediendo, amortescido se ha,

la cabeça de las manos sobre las otras se le cae,

quando cayo en tierra de si no sabia parte.